Etapa 7: Oinsa Hakerek Konteudu Blog ho Kualidade

1. Komprende ka Identifika Audensia

Saida mak sira hakarak atu hatene, saida mak menarik sira nia perhatian

2. Deside tópiku, títulu inisiu no títulu final

Ezemplu: tópiku “múzika”, tópiku inisiu “aprende toka guitar iha kunci A”, títulu final “Oinsa toka Aibubur Tahan iha Kunci A”

 

3. Hakerek Intro (ne’ebe furak)

Importante, ezemplu múzika mak iha intro kapás, konvida ema hakarak rona/ hakarak hatene/rona to’o hotu.

Bele loke ho istória, kómiku, ka bele loke ho faktus/ data statistical ruma.

Se ita falha dada audensia ninia atensaun iha intro, hau fiar 100% sira sei la kontinua lee, taka ka loke fali Facebook ka buat seluk.

 

4. Hakerek!

Hakerek saida mak ita hatene kona ba tópiku, bele mos buka ta referénsia seluk atu haforsa/ halo kompleta ita nia opiniaun/artigu.

-Style Hakerek (Be Yourself): Lian/tone iha hakerek: Hakerek natural deit tuir saida mak ita nia maneira koalia no konta istoria, lalika hanoin atu hakerek tuir jornalista sira, tanba kuandu audensia hakarak lee jornal, sira le diretamente Timor Post ka STL, la presiza vizita ita nia blog. Blog tenke uniku.

-Limita parágrafu nia naruk: se paragrafu ida iha linha 8 koko fahe ba paragrafu rua. Ida ne’e ho objetivu atu la fo susar ba ema nebe lee uza telemovel layar ki’ik.

-Fó benefísiu no informativu: Sempre husu pergunta ne’e ba ita nia-an bainhira hakerek konteudu ba blog, konteudu ne’e informativu deit ka iha benefisio ba audensia.

ezemplu: Informativu: “Google Calendar bele utiliza atu maneja Orario servisu loro-loron”.

Fo Benefisiu: “Oinsa Utiliza Google Calendar Reminder atu maneja atividade loroloron”

 

5. Edit, Preview & Formatu

-Imajen ne'ebé Relevant: Foto/dezenu rasik (bele link ba wikipedia)

- Konsidera Copyright bainhira uza ema seluk nia imajen

- Font (Sesaun ka sub-topic, bold/italic)

 

6. Organiza Konteúdu

-Tag: Tópiku, List, Kategoria. Hili liafuan 10-20 mak reprezenta konteúdu husi artigu.

 

7. CTA (Call to Action)

-Hakerek artigu ba blog ho kualidade, komesa Agora

-Bele fahe artigu ne’e ba sira ne'ebé presiza ka seidauk hatene

-Oferese Download