Oinsá Backup Fotografia no Video husi Facebook no Instagram

 

Ba maluk sira maka bainhira atu taka konta Facebook ka Instagram maibé hanoin hela oinsá atu kopia fotografia no video sira iha konta Facebook no Instagram, ha’u hatene barak maka koko servisu Manual, loke kada fotografia ida-ida no save/download ba komputadór, “ha…ha…ha…zaman doe loe banget”

Ha’u iha solusaun simples ba imi, backup iha termus ne’e katak bainhira ita backup konta Facebook, Album tomak nia bakup hotu, inklui fotografia sira maka kolega seluk tag mai ita, inklui mos Video, jadi lalika ulun moras buka meius oinsá atu download video husi Facebook.

 

Solusaun maka uza iDrive ninia free space 5GB.

Rekerimentu sira:

- Iha diresaun email ne’ebe válidu atu uza rejistu ba service iDrive

 

Prosesu no Etapa sira:

1. Rejistu ka Sign Up iha https://www.idrive.com/idrive/signupPersonal

Hili Free 5 GB, se marka Personal/Team/Business, nia sei husu Info Credit Card,etc

2. Halo tuir instrusaun to finaliza rejistrasaun, verifika ita nia diresaun email liu husi Log In ba ita nia konta email no klik link ne’ebe iDrive haruka ba.

3. Log In ba iDrive https://www.idrive.com/idrive/login/loginForm bele uza username ka email address ho password ne’ebe termina ona iha etapa rejistrasaun.

4. Atu backup Facebook, bele klik iha Social Data Backup>>Facebook Backup

5. Verifikasaun Seguransa presiza Log In ba Facebook atu fo lisensa ba iDrive halo foti informasaun husi Facebook.

6. Klik iha Backup Facebook, minimize tiha no hein nia prosesu backup kompletu, sei fo tanda hanesan screenshot tuir mai.

Instagram

7. To’o iha etapa ida ne’e, Fotografia no Video hotu husi Facebook backup ona ba konta iha iDrive, maibé sei iha Online. Atu transferee/download mai komputadór ka Smartphone, bele install aplikasasaun iDrive ba Komputador no Android ka iOS. Download iha ne’e https://www.idrive.com/online-backup-download

8. Depois instalasaun, Sign In uza aplikasaun iDrive husi Smartphone ka Komputador, klik iha Restore, Hili Restore Location ba Folder ne’ebe ita hakarak, ezemplu Picture no ha’u kria Folder foun ho naran Social Media Backup

9. Klik Restore Now no hein to’o prosesu kompletu. Agora ha’u nia album hotu-hotu iha Facebook, save ona iha ha’u nia komputadór.

Hakerek iha loron 20 de Maiu 2016, Parabens ba Ita Hotu, Viva Timor-Leste!

Favor bele Share atu Ajuda maluk seluk mak karik Presiza maibe seidauk hatene no seidauk koñese iDrive.